തിരുവനന്തപുരം: മദ്റസകള് അടച്ചുപൂട്ടണമെന്ന ദേശീയ ബാലാവകാശ കമീഷന്റെ നിര്ദേശം ഇന്ത്യന് ഭരണഘടന അനുശാസിക്കുന്ന മൗലികാവകാശങ്ങളുടെ ലംഘനമാണെന്ന് കോണ്ഗ്രസ് പ്രവര്ത്തക സമിതി അംഗം രമേശ് ചെന്നിത്തല അഭിപ്രായപ്പെട്ടു . ന്യൂനപക്ഷങ്ങള്ക്ക് മതപഠനത്തിനുവേണ്ടി ഇന്ത്യന് ഭരണഘടന അവകാശം നല്കുന്നുണ്ട്. ഇന്ത്യന് ഭരണഘടനയുടെ ആര്ട്ടിക്കിള് 29, 30 എന്നിവയുടെ ലംഘനമാണ് ബാലാവകാശ കമീഷന് നടത്താന് ശ്രമിക്കുന്നത്.
മദ്റസകളില് പഠിക്കുന്ന കുട്ടികള് കേരളമടക്കമുള്ള മിക്ക സംസ്ഥാനങ്ങളിലും റഗുലര് സ്കൂളുകളിലും പോകുന്നുണ്ട്. ഈ സാഹചര്യത്തില് ഇവര്ക്ക് ഫോര്മല് വിദ്യാഭ്യാസത്തിനുള്ള ചുറ്റുപാടുകള് മദ്റസകളില് വേണമെന്നാവശ്യപ്പെടുന്നത് അപ്രായോഗികമാണെന്നും രമേശ് ചെന്നിത്തല ചൂണ്ടി കാണിച്ചു
About the Author
