കുവൈത്ത് സിറ്റി: ഇന്ത്യൻ ട്രേഡ് പ്രൊമോഷൻ കൗൺസിൽ ഓഫ് ഇന്ത്യ കുവൈത്തിലെ ഇന്ത്യന് എംബസിയുമായി സഹകരിച്ചു ബയർ-സെല്ലർ മീറ്റ് സംഘടിപ്പിച്ചു.
കുവൈത്ത് സിറ്റി ഗ്രാൻഡ് മെജസ്റ്റിക്ക് ഹോട്ടലിൽ സംഘടിപ്പിച്ച ചടങ്ങ് ഇന്ത്യൻ സ്ഥാനപതി ഡോ. ആദർശ് സ്വൈക ഉദ്ഘാടനം ചെയ്തു.
ഭക്ഷണം, കാർഷിക, പാനീയ മേഖലകളിൽ ഉഭയകക്ഷി വ്യാപാര പ്രോത്സാഹനം നൽകുകയാണ് പരിപാടിയുടെ ലക്ഷ്യം. ഇന്ത്യയിൽ നിന്നുള്ള വിവിധ ഭക്ഷണ പാനിയ നിർമാതാക്കളും കുവൈത്തിലെ വിവിധ വിതരണകമ്പനികളും വ്യാപാര പ്രതിനിധികളും പങ്കെടുത്തു. പ്രമുഖഇന്ത്യൻ കമ്പനികൾ നൂതന ഉൽപ്പന്നങ്ങൾ പ്രദർശിപ്പിച്ചു. ഫെഡറേഷൻ ഓഫ് ഇന്ത്യൻ എക്സ്പോർട്ട് ഓർഗനൈസേഷൻസ് (എഫ്ഐഇഒ), കുവൈറ്റ് ചേംബർ ഓഫ് കൊമേഴ്സ് ആൻഡ് ഇൻഡസ്ട്രി (കെസിസിഐ) എന്നിവയുടെ സഹകരണത്തോടെ എംബസി 2024 സെപ്റ്റംബർ 9-10 തീയതികളിൽ കെസിസിഐ എക്സിബിഷൻ ഹാളിൽ ഭക്ഷ്യ-കാർഷിക ഉൽപന്നങ്ങളുടെ മേഖലയിൽ ഒരു ബയർ-സെല്ലർ മീറ്റും സംഘടിപ്പിക്കും.
About the Author
