ചിത്രവേദ റീൽസിൻ്റേയും ജെകെആര് ഫിലിംസിൻ്റേയും ബാനറിൽ ബിന്ദു സുനിലും ജയന്തകുമാർ അമൃതേശ്വരിയും നിര്മ്മിച്ച് സംവിധായകനായ സുനിൽ കാരന്തൂർ ഒരുക്കുന്ന ‘കേക്ക് സ്റ്റോറി’ എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തു വിട്ടു.തലശ്ശേരിയിൽ നടന്ന ചടങ്ങിൽ കെ.പി മോഹനന് എം എല് എ ചിത്രത്തിന്റെ ഫസ്റ്റ് ലുക്ക് പോസ്റ്റര് പ്രകാശനം ചെയ്തു.ബാബു ആന്റണി, അശോകന്, മേജര് രവി, സുനില് കാരന്തൂര്, ജയന്തകുമാര് അമൃതേശ്വരി, വേദ സുനില്, ബിന്ദു സുനില്, സാജു കൊടിയന്, റോബിന് തിരുമല, എംഎസ് അയ്യപ്പന് നായര് എന്നിവര്ക്കൊപ്പം ഇന്ത്യയില് ആദ്യമായി കേക്ക് ഉണ്ടാക്കിയ മാമ്പള്ളി കുടുംബത്തിലെ അംഗങ്ങളായ രേണുക ബാലയും പ്രകാശന് മാമ്പള്ളിയും പങ്കെടുത്തു . വേദിയില് ദീപം തെളിയിച്ചത് ബാണത്തൂർ വാസുദേവൻ നമ്പൂതിരി, മേജർ രവി, ബാബു ആൻ്റണി, ജയന്തകുമാർ അമൃതേശ്വരി, സിന്ധു ജയന്ത്, കെ.പി മോഹനന് എം എല് എ, റോബിൻ തിരുമല എന്നിവര് ചേര്ന്നാണ്.
മാനത്തെ കൊട്ടാരം, ആലഞ്ചേരി തമ്പ്രാക്കള്, വൃദ്ധന്മാരെ സൂക്ഷിക്കുക, പ്രിയപ്പെട്ട കുക്കു, ചന്ത, ഭരണകൂടം, ഗാന്ധാരി തുടങ്ങിയ ഹിറ്റ് ചിത്രങ്ങള് ഒരുക്കിയ സുനില് ഒരിടവേളയ്ക്കു ശേഷം സംവിധാനം ചെയ്യുന്ന ചിത്രമാണ് കേക്ക് സ്റ്റോറി. സംവിധായകൻ സുനിലിൻ്റെ മകളുമായ വേദ സുനിലാണ് ചിത്രത്തിലെ പ്രധാന കഥാപാത്രത്തെ അവതരിപ്പിക്കുന്നത്. ചിത്രത്തിന്റെ തിരക്കഥ ഒരുക്കിയിരിക്കുന്നതും വേദ സുനിലാണ്.ഓണം റിലീസായാണ് കേക്ക് സ്റ്റോറി തീയറ്ററുകളില് എത്തുക എന്നാണ് സൂചന.
About the Author
