കോഴിക്കോട് : പി.എസ്.സി. കോഴ വിവാദത്തില് കോഴിക്കോട് ടൗണ് ഏരിയാ കമ്മിറ്റി അംഗം പ്രമോദ് കോട്ടൂളിക്കെതിരെ സിപിഎം നടപടി എടുത്തു . പ്രമോദ് കോട്ടൂളിയെ സിപിഎമ്മിന്റെ പ്രാഥമിക അംഗത്വത്തിൽ നിന്നാണ് പുറത്താക്കിയത്. സിപിഎം ജില്ലാ കമ്മിറ്റിയാണ് കോഴ ആരോപണത്തില് പ്രമോദ് കോട്ടൂളിക്കെതിരെ നടപടിയെടുത്തത്. വിവാദവുമായി ബന്ധപ്പെട്ട് കഴിഞ്ഞ ദിവസം പ്രമോദ് കോട്ടൂളി ജില്ലാ കമ്മറ്റി ഓഫീസിലെത്തി വിശദീകരണം നൽകിയിരുന്നു. ഇതു പരിശോധിച്ചാണ് ഇന്ന് ചേർന്ന ജില്ല കമ്മിറ്റിയിൽ നടപടി എടുത്തത്. പ്രമോദ് നല്കിയ വിശദീകരണം തൃപ്തികരമല്ലെന്ന് ജില്ലാ കമ്മിറ്റി വിലയിരുത്തി.
About the Author
