ഇടുക്കി : വിവിധ സ്ഥാപനങ്ങളുടെ കോര്പ്പറേറ്റ് സോഷ്യല് റെസ്പോണ്സിബിലിറ്റിഫണ്ട് ഉപയോഗിച്ച് ഇടുക്കി ജില്ലാ ഭരണകൂടം നടപ്പാക്കുന്ന പദ്ധതിയയായ ‘ഇടുക്കി ഒരു മിടുക്കി’യുമായി കൈകോർത്ത് സിനിമ താരം മോഹൻലാൽ.മോഹന്ലാല് ചെയര്മാനായ വിശ്വശാന്തി ഫൗണ്ടേഷന്, ഇവൈജിഡിഎസ് എന്നിവര് സംയുക്തമായിട്ടാണ് ‘ഇടുക്കി ഒരു മിടുക്കി’ പദ്ധതിയുമായി സഹകരിക്കുന്നത്. വയോജനങ്ങള്ക്കുള്ള ഡയപ്പറുകള്, അഞ്ചുരുളിയില് തയ്യാറാക്കിയ ലൈബ്രറിയുടെ താക്കോല് കൈമാറല് എന്നിവ മോഹൻലാൽ തൊടുപുഴയില് നിര്വഹിച്ചു.സ്കില് ഡവലപ്പ്മെന്റ്, സൗജന്യ മെഡിക്കല് ക്യാമ്പുകള്, പാലിയേറ്റിവ് പ്രവര്ത്തനങ്ങള്, ഗ്രാമീണ പഠന കേന്ദ്രങ്ങള്, മാനസിക ആരോഗ്യ പരിപാടികള്, കരിയര് ഗൈഡന്സ്, മാലിന്യ നിര്മ്മാര്ജ്ജനം തുടങ്ങിയ വിവിധ മേഖലകളിലാണ് ഇടുക്കി ഒരു മിടുക്കി’ പദ്ധതി പ്രകാരം പ്രവര്ത്തനങ്ങള് നടന്നുവരുന്നത്.
വിവിധ എന്ജിഓ സ്ഥാപനങ്ങള്, കോര്പറേറ്റ് മേഖല എന്നിവിടങ്ങളില്നിന്നുള്ള സഹായം ‘ഇടുക്കി ഒരു മിടുക്കി’ പദ്ധതിക്ക് തുടര്ന്നും ആവശ്യമുണ്ടെന്ന് പരിപാടിയില് പങ്കെടുത്ത ജില്ലാ കളക്ടര് ഷീബ ജോര്ജ്ജ് പറഞ്ഞു.പരിപാടിയില് ഇടുക്കി സബ് കളക്ടര് ഡോ. അരുണ് എസ് നായര്, ഇവൈജിഡിഎസ് ഹെഡ് വിനോദ്, വിശ്വശാന്തി മാനേജിങ് ഡയറക്ടര് മേജര് രവി, വിശ്വശാന്തി ഡാറ്റാറക്ടര് സജീവ് സോമന് തുടങ്ങിയവര് പങ്കെടുത്തു
About the Author
