ദമാം : ദമാം ജാം ക്രിയേഷൻ അന്താരാഷ്ട്ര ചെറുകഥാ മത്സര വിജയികളെ പ്രഖ്യാപിച്ചു.സിനിമാ പിന്നണി ഗായകൻ സൂരജ് സന്തോഷാണ് വിദഗ്ധപാനൽ നടത്തിയ പ്രാഥമിക പരിശോധനകൾക്ക് ശേഷം വിജയികളെ പ്രഖ്യാപിച്ചത്.ചെറുകഥാ രചനാ മത്സരത്തില് മലപ്പുറം പെരിന്തൽമണ്ണ സ്വദേശിയുടെ ” ഫീച്ചർ ക്ലിക്ക് ” ഒന്നാം സ്ഥാനം നേടി. ‘അനന്തരം ‘ എന്ന ചെറുകഥ രചിച്ച മലപ്പുറം പൊന്മുണ്ടം സ്വദേശിനിയായ ഡോ. സജില എ.കെ രണ്ടാം സ്ഥാനവും ‘അസ്സുഹറ ‘ എന്ന കഥയ്ക്ക് തൃശൂർ ഒല്ലൂക്കര സ്വദേശിയയായ അബ്ബാസ് മരക്കാർ മൂന്നാം സ്ഥാനവും നേടി.
ഷനീബ് അബൂബക്കർ ദമ്മാം (ഉള്ളാൾ ക്രോസിംഗ്),യൂസുഫ് മസ്ക്കറ്റ് (അചല എന്ന സിംഹളപ്പെണ്ണ് ), ബിജു പൂതക്കുളം ദമ്മാം (ഏകാന്തം ) എന്നിവരുടെ രചനകൾ ജൂറികളുടെ പ്രത്യേക പരാമർശത്തിന് അർഹമായി.
ജാം ക്രിയേഷൻ കൺവീനർ സുബൈർ പുല്ലാളൂർ,ചെറുകഥ രചന മത്സര വിഭാഗം കൺവീനർ സഈദ് ഹമദാനി,രക്ഷാധികാരിയും ചിത്രകാരനുമായ മുഹമ്മദലി പീറ്റിയിൽ,നിർവാഹക സമിതി അംഗങ്ങളായ റിനു അബൂബക്കർ, മെഹബൂബ്, ജോഷി പാഷ എന്നിവർ ചടങ്ങിൽ പങ്കെടുത്തു.
About the Author
